index introductio imagines || partitura exemplar translatio

bibliographia e-mail

CTH 429.1

Exemplar --

Citatio: B. Christiansen (ed.), hethiter.net/: CTH 429.1 (Expl. --, 27.03.2017)

§ 1'

1 -- [ … ] anda … [ … ] …

2 -- nu EME-an kišan aniy[ami]

§ 2'

3 -- [ … ] … [ … -]yan daḫḫi

4 -- nu 3-ŠU 9 EMEM[EŠ …]

5 -- [n]=ašt[a … -a]z išparran teḫḫi

6 -- [ … ] … nakk[iyaš N]A4?ŠU.U-yaš=pat

7 -- nu=ššan [… t]eḫḫi

8 -- katte=š[ši/mi=ma …-m]aš šalwenan [ … d]āi

9 -- nu GIŠPAN GIŠÚ[.TAG.G]AḪI.A ezzayaš=pat [ … -] … -aš=šmaš ēššan[aš pū]rpuriēš [ …-] … -eš/MEŠ IZMARIḪI.A DUMU-an [ … ] … [ …-]naš

10 -- n=at IŠTU UZU … [ … ]

§ 3'

11 -- [ … ] … ŠA NINDA.Ì.E.DÉ.A 1 mūl[atin …Š]E kar(a)š kuitta … [ … IZM]ARI ēššanaš [ … ] kiyanta

12 -- GEŠTIN-ma [ … ] šerr=a=kan ēšš[anaš… -]pa

§ 4'

13 -- [ … GI]Š[p]addunī teḫḫi

14 -- [ … ] GIŠpaddur

15 -- nu=š[šan? … -]ya [ … ] ēššanaš … [ … ] … [ … ] … kuedani [kiy]anta [ … ]

16 -- nu IT[TI … ] … -ḫu[- … -]an [ … ] 10 NINDA.GUR4.RA gullan[ti]yēš [ … ] … āššu GIŠpaddur [dā]i

§ 5'

17 -- nu DUMU-an kuin an[n]eškizzi

18 -- n=an ti[t]tanuzzi

19 -- GIŠpattar=ma=šši peran=šit dagan dāi

20 -- namma=ššan ANA EN.SISKUR [šu]il 4 išgarā[n]ta appiškizzi

21 -- [ … ] … šer SAG.KI=ši peran DIB-zi

22 -- kattan=ma=at GÌRMEŠ arnuzzi

23 -- n=at [KA]R-zi

24 -- [ … ] katta tuḫšari

25 -- n=at=š[a]n GIŠpadduni [pešši]yazzi

§ 6'

26 -- EGIR-an=a=šši iškišaz QĀTAMMA DÙ-z[i]

27 -- [Z]AG-nazz=ya GÙB-laz QĀTAMMA DÙ-zi

28 -- nu tezzi

30 -- mā[n=w]a=at=ši=pa … [ … ] … -i anda

31 -- mān=wa=at=ši=pa NÍ.TE-ši anda

32 -- mān=[wā=]at=ši=pa gēnuwaš anda

33 -- mān=wa=at=ši=pa ŠUMEŠ-aš anda

34 -- mān=wa=at=ši=pa [ … a]nda

35 -- n=at=ši=kan IŠTU 12 UZUÚRḪI.A [arḫa ḫ]uittiyannaḫḫi

§ 7'

36 -- n=ašta ašaran āštaggaš=šan

37 -- GIM-an ḫanzanaš [ … TÚ]G-az arḫa tuḫšanza

38 -- n=ašta TÚG-an danzi

39 -- [nu=ta]=kkan idāluš lalaš ] t[uḫ]šanza ēšdu

40 -- [nu=ta=k]kan arḫa danza QĀTAMMA ēšdu

§ 8'

41 -- EGIR-anda=ma=kan ištaggaš=zan?! QĀTAMMA DÙ-zi

42 -- [nu QĀTAMMA] memai

43 -- EGIR-anda=ma ŠA GADA šūil [dāi]

44 -- [nu ki]šan [tezz]i

45 -- kī GADA-an maḫḫan GE6-i ēšta

46 -- [n=at GIM-an] ḫaššaš parkunu[t]

47 -- n=at ḫarganut

48 -- [ … DU]MU-an QĀTAMMA parku[nu]ddu

49 -- [nu išta]kkaš=šan katta TUKU.TU[KU]-aš GIŠpadduni [peššiyazz]i

§ 9'

50 -- [kin]un- … šūilit [d]ān irḫa[i]zzi

51 -- [n]u=šša[n šū]il katt[a S]IG5-ui GIŠpadd[un]i zik[kizzi]

52 -- nu=za TUKU.TUKU-a[š GIŠ]pad[d]ur dāi

53 -- n=at [DUMU-li] šer [wa]ḫnuzzi

54 -- nu kišan memai

55 -- [DUTU-uš D10-aš DLAMMA-aš] DINGIRMEŠ da[piant]eš

56 -- ḪUL-lu UN-aš pera[n] … kūn UN-an ḪU[L … ] TUKU.TUKU-aš GIŠpaddur

57 -- [DUTU-uš D10-aš DLAM]MA-aš DINGIRMEŠ dapianteš

58 -- [nu dapian-… ] … -ten

59 -- kāš DUMU-RU [UL iyat] kuitki

60 -- UL=ma waštaš kuitki

61 -- [UL-ma=kan dāš kuedanikki kui]tki

62 -- kāš kaliliyanza [DUMU-aš aiš=mit tarašg]aniyawanza

63 -- arrišš=a [šēḫuganiyawanza]

64 -- nu=šši DINGIRMEŠ genzu

§ 10'

65 -- nu=za GADA-a[n … ]

66 -- n=at … [ … ]

67 -- n=at park[u- … ]

68 -- ḪUL-lun EME-a[n … ]

69 -- ḪUL-lamuš EMEMEŠ [ … ]

70 -- kištanume[ni]

§ 11'

71 -- nu DUTU-uš D10-aš DLAMMA-aš DI[NGIRMEŠ dapianteš]

72 -- nu GIŠPAN-it GI-it šiye[- … ]

73 -- awān arḫa paraḫten EMEMEŠ ḪU[L-lamuš] šammenanduš

74 -- n=u[š] A.ŠÀmariya- [… ] pētummēni

75 -- n=uš apiya ḫariyawe[ni]

76 -- n=at=kan ANA DINGIRMEŠ arḫa merrant[aru]

77 -- DUTU-i D10-ni DLA[MM]A-i ANA LĪM DINGIRMEŠ-ya=at=kan arḫa merrāntaru

§ 12'

78 -- ANA ANŠE.KUR.RA ḫalkiš immiyūl ANA GU4MEŠ-ya ŠÀ.GAL ANA UR.GI7ḪI.A ŠAḪḪI.A-ma mūdana ētre=šmit

79 -- n=at kāša …

80 -- nu DUTU D10 DLAMMA ḪUL-lun EME16 ANA DUMU-RU a[wan] arḫa par(a)ḫten

81 -- n=at immiyulaš ē[tri=ya] EGIR-an iyanniyandu

82 -- DUMU-RU=ma [ … ] arḫa tarnandu

83 -- UL DÙ-at kui[tki]

84 -- UL=ma waštaš kuitki

85 -- UL=ma[=kan] dāš

86 -- kuedanikki kuitki K[AxU-iš=mit] tar(a)šganiyauwanza

87 -- arriš=me[tt=a] šēḫuganiyauwanza

88 -- šakki[=ya UL kuitki]

89 -- wemiyazzi=ya=kan UL kui[tki]

90 -- nu=šši DINGIRMEŠ āššu TI-tar MUḪI.A GÍD[.DA] peškatten

91 -- nu=šši innarāwatar ḫaštaliyatar peška[tten]

§ 13'

92 -- n=aš šallēšdu parkuēšd[u]

93 -- [nu=šši … ] ḫūwandaš peškatten

94 -- nu=šš[i ḫ]aštaliya[tar] pešten

95 -- nu=šši išḫunauwa[r] šiyauwar pešten

96 -- nu=šši šuḫmilin gēnu pešten

§ 14'

97 -- nu TUKU.TUKU-aš ḪUL-lu GIŠpaddu[r] katta dāi

98 -- nu=za āššu GIŠpaddur [d]āi

99 -- n=at DUMU-[l]i šer arḫa waḫnuzz[i]

100 -- nu tezzi

101 -- D[UT]U D10 DLAMMA …

102 -- [k]āša āššawēš EMEMEŠ … [ … -]litta(-) … [ … ]

103 -- [ … ] … (-) … (-)ni … [ … ] … [ … ] … (-)na [ … GI]Š pa[ddur? … -]kanteš aša[- …] … [ …] … [ … -]ši

104 -- nu=za AMAR-ŠU ti[t- … a]pē=pat INIMMEŠ arḫ[a … D]Ù-zi

105 -- GIŠpattunī [ … ]

106 -- apiya=ia QĀTAMMA [ … ]

§ 15'

107 -- nu āššu GIŠpaddur[ … ]

108 -- išgarānta [ … ]

109 -- pēdanzi

110 -- [ … ]

111 -- nu tekan paddāi [ … ]

112 -- kar(a)š TU7māri[ … ] dāi

113 -- n=at [ … ] dāi

114 -- memai [ … ]

§ 16'

115 -- šuḫmiliš [ … ] tagganiyamuš NÍ.TE[MEŠ ḪUL-l]amuš EMEMEŠ anda ēpten

116 -- ḪUL-lun U4.KAM [anda ēpten]

§ 17'

117 -- nu šer anda ēpzi

118 -- šerr=a=ššan [ … ]

119 -- 1 NINDA.GUR4.RA GÍD.DA taknaš DINGIRMEŠ.LÚMEŠ 1 NINDA.GU[R4.RA] taknaš ANA DMAḪ paršiya

120 -- 1 NINDA.GUR4.RA [gullanten] šuḫmili GE6-i KI-pi paršiya

121 -- n=u[š pattešni] tapušza išgāri

122 -- nu BAL-anti

123 -- D[INGIRME]Š.LÚME[Š táknaš] [a]zzikkitten akkuški[t]ten

124 -- takn=[aš DMAḪ] [z]ikk=a azzikki akkuški

125 -- anda [dankui daganzipi] ēpten ḪUL-lun EME-an

§ 18'

126 -- Ḫ[U]L-lun U4.KAM-an ḪUL-lu[n] memiyan kuiš ANA DU[MU-RI] me[m]išta

127 -- n=at=šan [EG]IR-pa apēdani pē[di … ]

128 -- ANA DUMU-RI-ma EGIR-pa ā[ššu] TI-tar ḫaddulatar MUḪ[I.A GÍD.DA] EGIR.U4-MI mayandatar UR.SAG-tar ḫaštaliyata[r] [i]nna[r]auwā[tar pešk]atten

129 -- GIŠpaddur=ma=kan apiy[a] [AN]A A.[Š]Àmar[iyan]ī šuḫḫai

§ 19'

130 -- [1 NIN]DA.GUR4.RA G[ÍD.DA takna]š DINGIRMEŠ.LÚMEŠ paršiya

131 -- 1 NINDA.GUR4.RA gu[l]lantin DUTU-i pa[ršiya]

132 -- [1 NINDA.GU]R4.RA ANA DMamma paršiya

133 -- [n]=an [ … ] dāi

134 -- nu tezzi

§ 20'

135 -- k[āša ḪUL-la]muš EMEMEŠ A.ŠÀmariyanī šuḫḫ[a]i

136 -- nu=mu [ḪUL-lu kuit] ANA PĀNI DINGIR-LIM ḪUL-uš UN-aš memieški[t]

137 -- mān [DUTU-i m]ān D10-ni mān ANA DLAMMA

138 -- kinun=a … [ … ] … ḪUL-luš EMEMEŠ-uš INA A.ŠÀmari[ya]nī šuḫḫawe[ni]

139 -- [ … ]ya=kan ḪUL-luš EME-aš QĀTAMMA merdu

§ 21'

140 -- nu arḫayan … [ … p]ēdi GIŠlaḫḫurnuzzi dagān išpa[rranzi]

141 -- [ … Ḫ]I.A išgāri

142 -- 1 NINDA.GUR4.RA GÍD.DA DUT[U-i 1 NINDA.GUR4.R]A gull[a]n[tin] ANA DUTU 1 NINDA.GUR4.RA GÍ[D.DA taknaš DINGIRMEŠ.LÚM]EŠ 1 [NINDA.GUR4.RA] ANA DLAMMA DINGIRMEŠ.LÚMEŠ [ … 1 NINDA.GUR4.RA] ANA DMamma 1 NINDA.GUR4.[RA … ]

143 -- n=uš ANA DINGIRMEŠ QĀTAMMA … [ … ]

§ 22'

144 -- kī=ma namma=pat arḫayan … [ … ] GIŠlaḫḫurnuzzi dagān i[šparranzi]

145 -- 1 NINDA.GUR4.RA KA×U-i 1 NINDA.GUR4.RA EME 1 NINDA.GUR4.RA [12 ZU9MEŠ 1 NINDA.GUR4.RA] ANA ḫurli dāi

146 -- n=uš QĀTAMMA-pat parši[ya]

147 -- nu šippanti

148 -- nu kiššan tezzi

§ 23'

149 -- DUTU-uš D10-aš DLAMMA DINGIRMEŠ dapianteš

150 -- kāša (vacat?) lē=ma DUTU-uš daranza

151 -- lē=ma D10-aš dar[anza]

152 -- lē=ma DLAMMA-aš daranza

153 -- lē=ma tamaīš DINGIR (vacat?) kuiški daranza

154 -- zik DUTU-uš D10-ni DLAMMA-ri ANA DINGIRMEŠ-ya ḫantezziš

155 -- nu āššu ḫūman šumeš DÙ-atten

156 -- n=ašta ḪUL-lu waḫnutten

157 -- n=at āššu DÙ-atten

158 -- nu=kan ANA DUMU-RI EME ḪUL-lun=a anda lē tarnat[t]eni

§ 24'

159 -- UL iyat kuitki

160 -- UL=ma waštaš kuitk[i]

161 -- UL=ma=kan dāš kuedanikki kuitki

162 -- kaliliyanza

163 -- DUMU-aš aiš=mit tarašganiyauw[a]n[z]a

164 -- [a]rrišš=a šēḫuganiyauwanza

165 -- nu=šši=kan [DINGIR]MEŠ peran arten

166 -- nu=šši=kan ḪUL-lu anda l[ē] ta[r]nattēni

§ 25'

167 -- nu GI[Šl]aḫḫurnuzzi(y)aš peran paḫḫur išḫu[wāi]

168 -- nu UZU[Ì] ZÍZ LÀL šamešiyazi

169 -- nu GEŠTIN šipan[ti]

170 -- nu 1 gapa[rt]an DUTU-i 1 gapartan D10-ni 1 ga[partan] [DLAMMA]-ri BA[L]-ti

171 -- nu=kan DINGIRMEŠ ŠUM-an lamniyazz[i]

172 -- [ … ] … PĀNI DINGIRMEŠ ḫattanzi

173 -- … [ … -]ya šer zappanuwan[zi]

§ 26'

174 -- [ … ] … 1-LI UZUÌ.UDU U[ZU … BAL-a]nti

175 -- ēšḫa[r … ]

176 -- [n=]aš=kan [ … ] EME [ … ] … [ … ]

§ 27'

177 -- [ … ] … ANA u[- … -]šaš šer ḫa[ttai/anzi]

178 -- [ … ] … arkanzi U[ZU … ]

179 -- [ … UZUNÍG.]GIG SILA4 SAG.DU dā[i]

180 -- [ … ] zanuzzi

181 -- [n=]an ANA EME 12 Z[U9MEŠ … ] … šer arḫa ku[e]rzi

182 -- GEŠTIN BAL-anti

183 -- [ … ] … UZUŠÀ UZUÉLLAG.GÙN.A I[Z]I-it zanuzzi

184 -- [ … dā]i

185 -- E[GI]R-anda=ma ANA DLAMMA dāi

186 -- [EGIR-and]a=ma G[AB]A DUGÚTUL UZUÌ ANA [DIN]GIRMEŠ šippanti

187 -- [ANA DINGIR]MEŠ.LÚMEŠ DLAMMA=ya dāi

188 -- EG[I]R-ŠU-[m]a UZUGABA [ … UZUZAG.]UDU ANA DLAMMA dāi

§ 28'

189 -- [EG]IR-anda=ma [UZUG]Ú ŠA DUGÚTUL ANA [DUTU] D10 DLAMMA dāi

190 -- [nu U]ŠGĒN

191 -- D[UT]U D10 DLAMMA [DINGIRMEŠ dap]ianteš

192 -- [ka]ša=šmaš(-) … -aš aššu- … [ … ] … -aš [ o ] piyawēn

193 -- DINGIRMEŠ ta[knaš … ] ēpten

§ 29'

194 -- [ … ] … -ma=kan … [ … ] … [ … ] adanz[i]

195 -- [ … ] … [ … -]ya [ … ] … [ … -] … [ … wa]ḫnuz[zi]

196 -- [ … ] warnuwan[zi]

§ 30'

197 -- [ … I]ZI-ni [ … ] … dāi

198 -- [ … š]ippanti

199 -- [ … DUT]U D10 D[LAMMA]

200 -- [kāš]a=šmaš [ … ] … -mi

201 -- nu ANA DUMU-R[I … ] anda ŠUMEŠ-uš [ … ] … -ten

202 -- nu=šši=kan a[nda … ] … ḪUL lē [tarna]tteni

203 -- nu kuiš Ḫ[UL-lu me]mai našma ḫurtain [ANA DUMU-]RI tezzi

204 -- n=[aš EG]IR-pa apēdani=pat [UN-ši w]ḫtaru

§ 31'

205 -- [nu … ] … šišiyazzi

206 -- [ … ] … ḫaddanzi

207 -- [ēš- … ] … zanuwānzi

208 -- namma [GIŠla]ḫḫurnuzzi [ … NINDA.GUR4.R]AḪI.A KA×U EME 12 ZU9M[EŠ ANA ḫu]rli paršiya

209 -- [ … ] … ŠAḪ.TUR BAL-anti

§ 32'

210 -- nu … [ … DINGIRMEŠ šumeš azzi[kkitten]

211 -- [ku]iš āššu [ … ] … šummešš=a=šši āššu … [ … ] … [ … -]awēn aššanummen

212 -- … [ … ANA DUM]U-RI [ … ] … ḪUL-lu lē tarnatt[eni]

213 -- [nu kuiš ḪUL-lu memai n=ašm]a [ḫurtāin AN]A DUMU-RI memai

214 -- nu ḪUL-lu apē[dani=pat] [EGIR-pa w]ēḫtaru

215 -- n=ašta peran [ … ]

§ 33'

216 -- [nu U]ZUGEŠTU maḫḫan ANA DINGIRMEŠ šip[ant]i

217 -- ŠA ŠAḪ.TUR=ya [ … ] … QĀTAMMA BAL-ti

218 -- EGIR-ŠU-ma 2 UZUZA[G] QĀTAMMA BAL-anti

219 -- [ … ] … DUGÚTUL=ya QĀTAMMA BAL-anti

220 -- ŠA [ŠA]Ḫ.TUR UZUÌ [QĀTAM]MA šipanti

221 -- GEŠTIN=ya šipan[ti]

222 -- [memi]š[k]izzi=ma [QĀTA]MMA

§ 34'

223 -- [ … ] … kuit UZUÌ nu ada[nz]i

224 -- [āššawi pēdi š]arā danzi

225 -- n=a[t a]rḫa [ … ] … EME=ma kuit uttar mem[i]škimi

226 -- [ … -]ulluranza ēšdu

227 -- nu [ … ] … [ … wē]ḫtaru

228 -- ḪUL-luš EME-aš … [ … -]uš ēšdu

229 -- n=uš āššawi [ … S]IG5-wimaš pedi šarā karp[anzi]

Kolophon

230 -- DUB 1 KAM QĀTĪ

231 -- mān=kan UN[-aš] kuiški ANA DINGIRMEŠ parrand[a ḪUL-lu] memeškizzi

232 -- našma=an … [ … ]

233 -- nu EME-an kišan aniy[ami]